Fermerët e prekur nga përmbytjet dhe dëmet e shumta në bujqësi kanë protestuar paraditen e kësaj të marte (20.10.2026) përpara Bashkisë së Maliqit. Ata kërkojnë për herë të dytë dëmshpërblim nga shteti, duke theksuar se dëmet e shkaktuara janë të mëdha dhe kanë prekur rëndë prodhimin bujqësor. Protesta po monitorohet nga forca të shumta të Policisë, të cilat janë pozicionuar në hyrje të institucionit dhe janë prezentë edhe pranë fermerëve. Fermerët e Maliqit, morën pjesë edhe në mbledhjen e Këshillit Bashliak të zhvilluar më 12 janar, në të cilën u thirr për të të diskutuar bilancin e dëmeve të shkaktuara nga përmbytjet e nëntorit dhe reshjet e fillim janarit. Në seancë u shënuan tensione dhe debate të forta. Sipas fermerëve, nuk është marrë asnjë masë për kompensimin e dëmeve në Bashkinë Maliq. Në mbledhje e Këshillit Bashkiak, fermerët ngritën shqetësimin se bashkia nuk ka përcjellë pranë qeverisë dokumentacionin e nevojshëm për nisjen e procedurave të dëmshpërblimit, duke e konsideruar situatën si tallëse ndaj problematikave të tyre.