Janë krijuar rreth një miliardë vite pas Big Bengut, në kohën kur universi kishte jetuar pak më pak se 8 për qind të jetës së tij. Janë dy galaksi origjina e të cilave i takon pra agimit të kohërave dhe zbulimi i tyre, i publikuar në revistën Nature, tregon se universi i hershëm është me gjasë shumë më i pasur nga sa mendohej. Pluhuri ndër-yjor, sic ndodh në këtë rast, mund të fshehë në fakt popullata të tëra galaksish që deri më tani kanë qenë të panjohura. Koordinuar nga universiteti japonez, kërkimi është mbështetur edhe nga universiteti i sapienzës dhe ai i Pizës në itali. Zbulimi i dy galaksive është bërë i mundur falë radioteleskopit Alma të observatorit evropian që ndodhet në një kuotë prej 5 mijë metrash lartësi në andet kiliane. Duke analizuar të dhënat, ekspertët kanë vënë re një prani të fortë të pluhurit dhe karbonit të jonizuar nga zona të hapësirës që mendoheshin të zbrazëta. Kërkuesit kanë thelluar kërkimet e këtyre sinjaleve misterioze duke zbuluar se ato vinin nga dy galaksi të panjohura më parë, që nuk mund të shiheshin me gjatësitë e valëve ultraviolet pasi gjithcka errësohej nga pluhuri kozmik. Vec të tjerash është bërë e ditur se krijimi i galaksive i takon mbi 13 miliardë viteve më parë. Karakteristikat e tyre janë të ngjashme me ato të galaksive të tjera të të njëjtës epokë. Për kërkuesit, rezultati tregon se prania e këtyre dy objektyeve mund të jetë vetëm maja e ajsbergut të ekzistencës së një popullate galaksish që më herët nuk njiheshin nga astronomët.