Ukraina pranoi se është ajo organizatorja e sulmit ndaj dy anijeve cisternë në Detin e Zi të cilat besohej se po transportonin fshehurazi naftë risë të sanksionuar. Përgjegjësinë e ofensivës e pranoi për AFP një burim pranë trupave të sigurisë ukrainase pas shpërthimeve që goditën dy anijet të premten dhe të shtunën. Dronët detarë Sea Baby u përdorën gjatë këtij aksioni të fshehtë që u ndërmor nga SBU në bashkëpunim me marinën. Ndërkohë Rusia ende nuk e ka komentuar sulmin. Të dy cisternat pësuan dëmtime të rënda, pohoi burimi për AFP, ndërsa theksoi se u nxorën praktikisht jashtë shërbimit. “Kjo do t’i japë një goditje të konsiderueshme transportit të naftës ruse.” Rusia përdor qindra anije cisterna - shumë prej të cilave lundrojnë nën flamuj të ndryshëm. Një mënyrë kjo për të transportuar naftën e saj tek klientët në kundërshtim me sanksionet. Anija cisterne Virat me flamur të Gambisë u sulmua përsëri të shtunën, pasi goditjeve të marra të premtene, raportoi Ministria e Transportit të Turqisë. Anija ndodhet rreth 50 kilometra larg bregdetit turk. “Nuk ka asnjë kërkesë nga personeli për të braktisur anijen”, tha ministria turke e Transportit, por një rimorkiator zjarrfikës ishte dërguar në vendngjarje. Kurse destinacioni i anijes cisternë Virat mbetet i paqartë.