Ushtria në Sudan thotë se ka pushtuar një qytet kyç në lindje të vendit, që ishte nën kontrollin e forcave rebele. Pamjet në mediat sociale treguan njerëzit që festonin në rrugë ndërsa ushtarët hynë në qytetin e Ëad Madani. Udhëheqësi i grupit paraushtarak Forcat e Mbështetjes së Shpejtë (RSF), gjenerali Mohamed Hamdan Dagalo, i njohur gjithashtu si Hemedti, e pranoi humbjen përmes një mesazhi audio. Ai u shfaq i zëmëruar, duke theksuar se gjith#ka erdhi si rrejdhojë e përdorimit të dronëve të prodhuar nga irani nga ana e ushtrisë. Por ai u zotua se do të vazhdojë të luftojë deri në fitore, edhe nëse duhen 20 vjet të tjera për të rimarrë kontrollin e këtij qyteti. Ëad Madani është kryeqyteti i shtetit të Al Jazira, dhe është 87 milje (140 km) në jug të kryeqytetit të vendit, Khartoum. Ëad Madani shtrihet në një pozicion strategjik, pasi lidh disa shtete përmes autostradave kryesore. Sudani është shkatërruar pothuajse i gjithi si pasojë e luftës që nisi në prilli 2023, kur shpërthyen luftimet midis RSF-së dhe ushtrisë sudaneze. RSF vazhdon të kontrollojë pothuajse të gjithë rajonin perëndimor të Darfurit të Sudanit, si dhe një pjesë të konsiderueshme të jugut të vendit. Ndërkohë, ushtria kontrollon veriun dhe lindjen.