Ka shkuar në 4 numri i shtetasve turq të arrestuar për rastin e trafikimit të drogës që u zbulua në aeroportin e Rinasit, më datë 17 tetor. Këtë të shtunë u vunë në pranga dy shtetas turq (vëllezër), të cilët u arrestuan nga Policia e Tiranës në bashkëpunim me policinë kufitare të Qafë-Thanës, si autorë të dyshuar dhe bashkëpunëtorë për trafik ndërkombëtar të lëndëve narkotike. Dy të arrestuarit janë me inicialet U. K., 41 vjeç, dhe K. K., 46 vjeç, me shtetësi turke, të dy banues në Tiranë.