Një tërmet prej 5.7 ballësh ka goditur pjesën jugore të Greqisë, në brigjet e Peloponezit perëndimor.Deri më tani nuk ka raportime për dëme apo viktima nga dridhjet e tokës, të cilat u ndien në kryeqytetin grek, Athinë, e deri në ishullin jugor të Kretës.Tërmeti ndodhi mëngjesin e së premtes, më 29 mars. Epiqendra e dridhjeve të tokës ishte nën shtratin e detit afër ishujve Strofades, që gjenden rreth 120 kilometra në jugperëndim të qytetit Patras, tha Instituti Gjeodinamik i Athinës. Sipas kreut të Organizmit të Parashikimeve dhe Planifikimeve Antisizmike Efthimios Lekkas bëhet fjalë për një tërmet të madh që nuk sjell shqetësim sepse ka ndodhur në një zonë detare që jep tërmete të tilla.