Ultimatum 100 ditor për policinë e shtetit që të dalë nga udhëkryqi nuk bie më vetëm mbi drejtorin e policisë Muhamet Rrumbullaku, por mbi të gjithë kupolën drejtuese të strukturave. Ultimatumi u dha nga Muhamet Rrumbullaku, pas takimeve që ka zhvilluar me strukturat e drejtorive vendore të policisë së Vlorës, Gjirokastrës, Fierit, Beratit, Lezhës dhe Shkodrës, si dhe me strukturat e drejtorive vendore për Kufirin dhe Migracionin Vlorë, Gjirokastër e Shkodër. Drejtori i Përgjithshëm i Policisë së Shtetit ka theksuar se ndryshimin e vizionit për një qasje ndryshe ndaj komunitetit dhe në luftë ndaj krimit, me qëllim vendosjen e një standardi të ri për metodologjinë e punës së strukturave të Policisë së Shtetit, e ka mision dhe sfidë personale dhe kjo kërkesë llogarie nga ana e tij do të jetë e njëjtë deri ditën e fundit që do të jetë në këtë detyrë.