Benjamin Netanyahu dorëzohet përballë protestave të shumta. Kryeministri i Izraelit ka vendosur të shtyjë me një muaj diskutimet në kuvend, në lidhje me një plan për të bërë ndryshime rrënjësore në sistemin legjislativ në vend. Vetë Netanyahu nuk ka dalë ende zyrtarisht të konfirmojë shtyrjen e diskutimit, por vendimi është bërë i ditur nga partia e ekstremit të djathtë, “Fuqia Hebraike”, e cila është mjaft e rëndësishme në koalicionin që qeveris vendin.