Alexander Lukashenko nuk e përjashtoi mundësinë e mbajtjes së zgjedhjeve të reja në një intervistë per mediat ruse. Kreu I shtetit bjellorus e pranoi se mund ta ketë "tejkaluar" kohën e vet në kete post, por sipas tij, mbetet personi i vetëm i aftë për te mbrojtur ne kete moment Bjellorusinë. 66-vjeçari, i cili ka qenë në pushtet që nga viti 1994, pretendon se përsëritja e zgjedhjeve të diskutueshme presidenciale mund të mbahet vetëm pas ndryshimeve kushtetuese, por pa dhënë detaje të mëtejshme."Ne jemi gati të kryejmë reformimin e kushtetutës," tha Lukashenko I cituar nga agjencia e lajmeve Interfax, dhe shtoi: "Pas kësaj unë nuk i përjashtoj zgjedhjet e parakohshme presidenciale”. Por pas thirrjeve te BE-se pwr dialog, I refuzoi bisedimet me politikanë të opozitës. “ Nuk do të negocjoja me Këshillin e Koordinimit të opozitës "sepse nuk e di kush janë ata njerëz," ishte komenti I tij. Presidenti bjellorus po kështu la të kuptohej se Rusia do të jete vendi i ardhshëm në radhë nëse regjimi i tij bie për shkak të protestave masive."E dini në cfarë përfundimi arritëm me establishmentin dhe udhëheqjen ruse? Nëse Bjellorusia bie, tjetra do të jetë Rusia”, tha ai.