Lideri i klanit Kavac, Radoje Zvicer, që ka qenë në arrati që prej shkurtit të vitit të kaluar, kishte si qëllim të vriste presidentin serb, Aleksander Vucic. Informacioni u bë i ditur nga ministri i brendshëm serb, Aleksander Vulin, i cili tha se policia serbe ishte njoftuar për këtë nga Europoli. Radoje Zvicer ëhstë një nga njerëzit me më shumë ndikim në botën e krimit, vitet e shkuara. Ai njihet si lider i klanit Kavac, që është i lidhur me trafik droge, vrasje dhe shumë krime të tjera. Ai u qëllua madje vitin e shkuar, në mes të ditës, ndërsa po bënte vrap afër apartamentit të tij në Kiev. Dy agresorë qëlluan drejt tij me dhjetëra plumba, pesë prej të cilëve e goditën. Bashkëshortja e tij, Tamara, doli nga apartamenti dhe i qëlloi ata, duke i ndaluar ti jepnin fund atij. Falë saj pra, Zvicer është ende gjallë. Sulmi ndaj Zvicer, besohet se ishte porositur nga një tjetër grup rival serb. Sipas Vulin, serbia tashmë ka lëshuar një fletarrest për Zvicer dhe po punon për kapjen e tij dhe të bashkëpunëtorëve të tjerë. “Nëse Radoje Zvicer ka mbledhur dhe organizuar këtë grup, apo organizatë kriminale, për të vrarë Vuçiçin me mendjen e tij apo nëse ka marrë urdhër nga lideri i tij politik, do ta tregojë hetimi”, tha Vulin.