Dy persona janë vënë në pranga nga polica e Tiranës në kuadër të operacionit "The Labyrinth", pasi të dy I vendosën lëndë djegëse në banesë një shtetaseje, për shkak të një konflikti me motive pronësie. Policia ka venë në pranga autorët e dyshuar, A. D., 34 vjeç, nga Vora, dhe A. E., 33 vjeç, nga Tirana, që dyshohet se kanë bashkëpunuar në ngjarjen e datës 12 Dhjetor 2023, ku kanë djegur derën e banesës së shtetases E. Q. për motive pronësie. Gjithashtu, nga verifikimet është zbuluar se njëri prej autorëve , A. D., dyshohet se është i përfshirë edhe në ngjarjen e mëparshme kriminale, si vendosja e lëndëve plasëse në një lokal në rrugën "Sali Butka" më datë 28 Nëntor të këtij viti. Si provë materiale janë sekuestruar veshjet e përdorura gjatë këtyre veprimeve kriminale. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.