‘Mafjoz me lidhje në kartelin Sinaloa’. Kjo akuzë është shqiptuar publikisht nga ish kryeministri, Sali Berisha për Dorian Duçkën. Lidhja mes Ramës, Duçkës, Nezës dhe ish agjentit të FBI-së, Charles McGonigal, sipas Berishës është kauza e demokratëve në protestën e 11 shkurtit, por duket se Berisha ka fshehur lidhjet e Duçkës me djalin e tij, Shkëlzen Berisha. Për avionët e Ramës nuk ka ende dokumente të bëra publike nga Berisha, megjithatë ekzistojnë foto në avion të Shkëlzen Berishës dhe Dorian Duçkës. Këta të dy shfaqen së bashku në udhëtime pune e biznesi. Berisha nuk ka deklaruar ende asnjë gjë, për lidhjen që mund të ekzistojë mes të birit, Shkëlzën Berisha dhe Dorian Duçkës, të cilin ai e konsideron person të inkriminuar e që ka tentuar të dëmtojë interesat e Partisë Demokratike.