Një ngjarje e rëndë ka ndodhur në Përmet, ku një 68-vjeçare e identifikuar si Zeniat Muhollari, është vrarë nga djali i saj 24 vjeç. Krimi në familje ka ndodhur rreth në lagjen “Partizani”, ku autori Albi Muhollari, dyshohet se ishte në gjendje depresioni kur ka mbytur nënën e tij. Të dy prej kohësh kanë jetuar në Amerikë, ndërsa ishin kthyer vetëm 4 ditë më parë në Përmet për pushime. Nuk dihet nëse në banesë ka pasur familjarë të tjerë në momentin e krimit të rëndë si dhe nuk ka të dhëna nëse i riu kurohej për depresionin. Policia ka bërë të mundur kapjen dhe shoqërimin e të riut në ambientet e Komisariatit të Policisë Përmet, për kryerjen e veprimeve të mëtejshme. Në vendngjarje ndodhet grupi hetimor dhe nën drejtimin e Prokurorisë vijon puna për sqarimin e plotë të rrethanave të ngjarjes.