Në Ditën Kombëtare të Trashëgimisë kulturore, presidenti Ilir Meta i është rikthyer edhe nje here çështjes së shembjes së godinës së Teatrit Kombëtar pak muaj më parë. Duke postuar edhe videon e momenteve të shembjes së godinës së teatrit, kreu i shtetit e ka konsideruar atë një akt taleban, ndërsa demtimin e vlerave unikle arkeologjike ne Durres dhe demtimin e shume monumenteve e ka konsideruar si dëshmi të arrogancës, korrupsionit dhe papergjegjshmërisë së pushtetit. “Të gjitha këto krime të rënda kushtetuese, ligjore dhe morale, të konsumuara veçanërisht në Tiranë dhe Durrës ku dëmet kanë qenë të jashtëzakonshme, do të jenë të paamnistueshme! Sepse këto akte barbarie, për më tepër të kryera nga institucionet shtetërore, janë sulme të drejtpërdrejta ndaj identitetit tonë kombëtar. Ndaj sot në Ditën Kombëtare të Trashëgimisë Kulturore i garantoj të gjithë shqiptarët se gjithçka është mbajtur shënim dhe askush nuk ka për t’i shpëtuar Drejtësisë!’, thuhet ne postimin e Metes. Ai përmend edhe deklaratën e një prej personalitetetve të ‘europa nostra’ pas shembjes së teatrit i cili tha në atë kohë ‘le të jetë kjo ngjarje e mjerueshme ajo që do të shënojë fillimin e një zgjimi të vërtetë të shoqërisë civile në Shqipëri të udhëhequr nga artistë dhe intelektualë’. “Barbaria dhe talebanizmi nuk kanë vend në shoqërinë tonë! koha për drejtësi”, mbyllet postimi i presidentit Meta.