Kryeministri i vendit, Edi Rama ka uruar të gjithë shqiptarët që ndodhen jashtë atdheut në ditën e Diasporës. përmes një postimi në rrjetet sociale Rama tha se personat jashtë Shqipërisë i dhanë vendit gjithçka kishin, si edhe përpara punës së admirueshme të atyre që e ngrenë lart emrin shqiptar në skenën botës. “Në këtë ditë të diasporës ju uroj shëndet familjarisht të gjithë bashkëqytetarëve jashtë atdheut dhe përulem me respekt, përpara kujtimit e veprës patriotikë të atyre që nga jashtë Shqipërisë i dhanë vendit tonë gjithçka kishin, si edhe përpara punës së admirueshme të atyre që e ngrenë lart emrin shqiptar në skenën botës, pa harruar kurrsesi njerëzit e zakonshëm të këtij vendi, të cilët me mund e me sakrifica rrisin fëmijët e tyre në emigracion, e ndihmojnë familjarët e tyre në Shqipëri”, shkruan Rama. Në kabinetin aktual qeverisës për herë të parë është ngritur një ministri për diasporën që drejtohet nga ministri i shtetit Pandeli Majko. Kjo ministri gjatë këtyre viteve ka evidentuar problematikat e shqiptarëve në emigrim duke u përpjekur të ngrejë urat e bashkëpunimit edhe me shtete përkatëse.