Presidenti i Rusisë Vladimir Putin ka zbuluar për herë të parë në një intervistë, se në vitet 90 ishte i detyruar të bënte punën e taksistit. Në një insert të dokumentar “Historia e re”, i cili u shfaq ditë më parë në televizionin rus “Rusia 24”, kreu i Kremlinit ka folur për situatën e rëndë ekonomike, në të cilën ndodhej Rusia në dekadat e fundit të shekullit të kaluar. Ai ka theksuar se në vitet e 90 në kohën e krizës së madhe ekonomike ka punuar si shofer taksie, gjë që nuk dëshiron ta kujtojë dhe për të cilën thotë nuk ishte lehtë. Në atë kohë një numër i madh i ekspertëve, oficerëve të ushtrisë dhe punonjës të shërbimeve sekrete ishin detyruara të gjenin punë nga më të ndryshmet për shkak të krizës ekonomike. "Asokohe, jam detyruar të punoj edhe unë si shofer taksie. Nuk ndihet mirë kur flas për atë kohë, por për fat të keq ajo ka ndodhur”, ka shpjeguar Putin. Atë periudhë Putin kishte braktisur punën në administratën e qytetit në Shën Peterburg. Ai ka treguar se ishte i detyruar dhe ishte i gatshëm të pranonte cdo punë, përfshirë edhe atë shofer taksie, për shkak të vështirësive ekonomike.