Një zjarr i fuqishëm ka përfshirë fshatin Vajzë në Selenicë që prej mbrëmjes së të premtes, duke shkaktuar dëme të konsiderueshme. Sipas banorëve, gjatë gjithë natës nuk ka pasur asnjë ndërhyrje nga shërbimet zjarrfikëse. Vetëm në orët e para të mëngjesit të së shtunës një mjet zjarrfikës nga Selenica ka mbërritur në terren, ndërsa përballja me flakët po bëhet kryesisht nga banorët.