Një 44-vjeçare është arrestuar pasi akuzohet se ka vrarë vjehrrën e saj duke e qëlluar me thikë. Ngjarja ka ndodhur gjatë orëve të para të mëngjesit, për motive të dobëta. Polica ka arrestuar për ngjarjen Miranda Markja 44 vjeçe, banuese në fshatin Burrim, Maqellarë, pasi plagosi me thikë vjehrrën e saj Naile Markja, 74 vjeçe, e cila si pasojë e plagëve të marra ka ndërruar jetë menjëherë. Ngjarja e rëndë ka ndodhur në banesën e tyre. Grupi hetimor në vendngjarje ka sekuestruar në cilësinë e provës materiale mjetin prerës që dyshohet se është përdorur nga autorja e ngjarjes. Sipas dëshmisë së banorëve të zonës, mes nuses dhe vjehrrës ka pasur shpesh herë konflikte, ndërsa viktima kishte kërkuar urdhër-mbrojtje dhe në polici. Banorët kanë pohuar gjithashtu se kur nusja ka dalë jashtë, u ka thënë fëmijëve se vjehrrës i dhimbte koka ndaj edhe kishte bërtitur, duke e fshehur krimin për më shumë se 6 orë. Ende nuk dihet nëse bashkëshorti i saj ka qenë apo jo në shtëpi, ndërsa në pyetje janë marrë edhe disa fqinjë.