Sinisha Jevtiç dhe Ivan Sekuliç u dënuan me nga gjashtë muaj burg, që iu është zëvendësuar me dënim me gjobë prej 7 mijë eurove, për sulmin ndaj 30 pjesëtarëve të KFOR-it, policisë e mediave në trazirat në veri në fund të majit. Veç dënimit me gjobë, dy serbët janë dëbuar nga Kosova dhe u është ndaluar hyrja për tre evite. Pala mbrojtëse deklaroi se nuk do të paraqesin ankesë dhe pranuan qysh sot t’i paguajnë dënimet e marra me vendimin e gjykatës. Po ashtu, Ivan Sekuliç për veprën penale “armëmbajtje pa leje” gjykata e dënoi edhe me 2 mijë euro për armëmbajtje pa leje. Dy serbët u ndaluan në fund të muajit maj në Jarinjë dhe dyshohet të kenë marrë pjesë në protestën e dhunshme të serbëve në veri të Kosovës, ku mbetën të plagosur 25 ushtarë të KFOR-it, kryesisht italianë dhe hungarezë.