Një 45-vjeçar është arrestuar nga Policia e Librazhdit pasi ka dhunuar dhe kërcënuar kunatën e tij për të mos bërë kallëzim. Ai ra në prangat e policisë pas një kallëzimi nga një grua 37-vjeçare, e cila denoncoi se bashkëshorti i motrës së saj e kishte dhunuar dhe më pas e kishte kërcënuar. Gjatë operacionit për arrestimin e tij ai ka reaguar në mënyrë të dhunshme ndaj punonjësve të Policisë, duke kundërshtuar këto të fundit. Pas kryerjes së veprimeve të nevojshme, 45-vjeçari u arrestua në flagrancë për veprat penale "Dhuna në familje", "Kanosja për të mos kallëzuar" dhe "Kundërshtimi i punonjësit të policisë së rendit publik". Dosja i ka kaluar Prokurorisë pranë Gjykatës së Shkallës së Parë Elbasan për veprime të mëtejshme.