Mijëra njerëz janë evakuuar nga shtëpitë dhe hotelet në ishullin grek të Rodosit pasi zjarret e dala jashtë kontrollit përfshinë pjesën më të madhe të ishullit. SHërbimi i zjarrfikësve në Greqi tha se kërkon ndjesë për atë që e quajti ‘një lëmsh’ në ishull, duke paralajmëruar se situata mund të përkeqësohej për shkak të kushteve të motit. Më shumë se 3500 persona janë evakuuar përmes tokës dhe detit. 1200 të tjerë pritet të evakuohen nga tre fshatra, Pefki, Lindos dhe Kanathos. Deri më tani, nuk janë regjistruar viktima apo të lënduar. Ministria e krizave të klimës dhe mbrojtja civile në greqi thanë se vizitorët po evakuohen në siguri, larg nga zonat e prekura të rodosit, dhe po dërgohen në hotele të tjera. Një zëdhënës i zjarrfikësve i cilësoi zjarret si më të vështirat me të cilat shërbimi ishte përballur ndonjëherë. Ishulli po përballet me zjarret, që ushqehen nga era e fortë, që nga e marta, ndërkohë që evropa është përfshirë nga një valë të nxehti sfidues.