Islamabadi është “tashmë gati të presë bisedime” që përfshijnë Iranin dhe Shtetet e Bashkuara, tha një zëdhënës i Ministrisë së Jashtme pakistaneze për CNN, disa orë pasi Teherani hodhi poshtë pretendimet se SHBA-të dhe Irani hapën një kanal diplomatik fundjavën e kaluar. “Nëse të dyja palët bien dakord, Pakistani është gjithmonë i gatshëm të presë bisedime”, tha të hënën zëdhënësi i Ministrisë së Jashtme, Tahir Hussain Andrabi. Zyrtarë të lartë iranianë dhe amerikanë kanë lëshuar deklarata kontradiktore në lidhje me bisedimet midis dy vendeve ditët e fundit, ndërsa sulmi amerikano-izraelit ndaj Iranit hyri në javën e katërt. Ministria e Jashtme e Iranit tha se nuk kishte “asnjë dialog” midis Teheranit dhe Uashingtonit, raportuan të hënën mediat e mbështetura nga shteti. Në të kundërt, Presidenti i SHBA-së Donald Trump i tha CNN se bisedimet midis dy kombeve këtë fundjavë çuan në një marrëveshje prej 15 pikash. Deri më tani, Teherani dhe Uashingtoni kanë komunikuar kryesisht përmes zyrtarëve nga disa vende të tjera, përfshirë Turqinë dhe Egjiptin, në një përpjekje për të ulur tensionet në rajon, thanë burimet të hënën .