Vrasja e 34 vjecarit Ergys Dashi vijon të jetë një temë e nxehtë, ku mediat ekuadoriane, duket se e kanë në fokus këtë ngjarje të rëndë që tronditi Ekuadorin disa ditë më parë. Një tjetër artikull lidhur me vrasjen e Dashit është publikuar nga mediat ekuadoriane, në të cilin flitet për rolin e tij në trafikun e kokainës në Europë, ku nga se bëhet me dije 34 vjecari ka qenë një nga drejtuesit më të rëndësisshëm të trafikut të drogës në Europë dhe Azi. Mediat ekuadoriane bëjnë me dije se policia ka identifikuar disa anëtarë të bandës evropiane të përfshirë në pastrim parash dhe trafik, por nuk ka ende emra publikë. Hetimet tregojnë se Dashi ishte një nga lidhjet e mafias shqiptare dhe ruse në Amerikën e Jugut. Prania e këtyre makro-organizatave kriminale është zbuluar vitet e fundit në Kolumbi, Ekuador dhe Peru. Historia kriminale e Dashit ishte aq e fshehur sa në Ekuador nuk kishte asnjë precedent, dosje hetimore dhe as nuk kërkohej nga drejtësia. Për këtë arsye, njerëzit me uniformë tregojnë se ai ecte lirshëm nëpër rrugët e Guayaquil. Në fakt, natën e vdekjes ai ndodhej në një restorant në veri të qytetit. Atje ai u kap nga persona të armatosur të cilët e goditën me më shumë se 20 të shtëna. Trafiku i drogës dhe vrasjet me porosi nuk janë të vetmet fusha që mafiet ndërkombëtare operojnë në Ekuador.