Autori i vrasjes së 37-vjeçarit Ajet Gunelit në fshatin Goraj në qytetin e Kuçovës, ka dëshmuar në polici lidhur me atë çfarë ka ndodhur mes tij dhe viktimes deri në momentin e krimit. Vangjel Polovina mësohet se e ka pranuar krimin, pas arrestimit nga policia dhe ka deklaruar se gjithçka nisi kur nuk kishte para për t’i paguar qiranë e stalles se derrave, shumë që ia kishte likuiduar të konvertuar në sasi mishi, dy të para vrasjes. Sipas tij edhe pas kësaj 37 vjecari Ajet Guneli e kishte marrë në telefon duke e sharë. Në gjaknxehtësi ai kishte marrë kallashnikovin dhe kishte shkarkuar të gjithë karikatorin në trupin e tij. Trupi i pajetë i Ajet Guneli i ekezektuar me armë zjarri në një lokal në fshatin Goraj të qytetin e Kuçovës rezulton të jetë ende në Morgun e Spitalit Rajonal të Beratit. Edhe pse autopsia mjeko-ligjore mbi trupin e viktimës ka përfunduar te enjten, në Morgun e Beratit nuk është paraqitur ende asnjë familjar për të tërhequr trupin e pajetë të 37-vjeçarit, Ajet Guneli. Burime nga Morgu i Beratit konfirmojnë se janë në pritje të vëllezërve të viktimës, që janë nisur nga Greqia për të marrë vëllanë e tyre të vdekur. Ndërsa nga Policia e Beratit konfirmohet se në vendngjarje janë gjetur 27 gëzhoja të së njëjtës armë kallashnikov, që është edhe arma e krimit. Në trupin e viktimës ka pasur 20 plumba, 1 plumb në qafë, 2 plumba në bark dhe 17 plumba në gjymtyrët e poshtëm dhe si pasojë ka vdekur në vend.