Ministri i Brendshëm i Francës tha se nuk mund të përjashtonte përfshirjen e aktorëve të huaj në dëmtimin e qëllimshëm ndaj rrjetit të trenave të shpejtësisë së lartë të vendit. Incident që shkaktoi kaos në transportin hekurudhor ditën e hapjes së Lojërave Olimpike të Parisit por që deri më tani askush nuk e ka marrë përsipër autorësinë e sulmeve. "Kush është përgjegjës? Mund të jetë udhëruar nga brenda, ose është nga jashtë, është shumë herët për ta thënë", tha ministri i Brendshëm Gerald Darmanin për televizionin France 2. Sipas policisë autorët dëmtuan instalimet përgjatë linjave që lidhin Parisin me qytete të tilla si Lille në veri, Bordeaux në perëndim dhe Strasburg në lindje. Autoritetet vendase kanë njoftuar se rrjeti i trenave të shpejtësisë së lartë do t’i kthehet normalitet të hënën. Si pasojë e ngjajres më shumë se 100,000 njerëz nuk mundën të merrnin trenin dhe 150,000 të tjerë u përballën me vonesa, tha ministri i Transporteve Patrice Vergriete.