Amasadorja e Shteteve të Bashkuara të Amerikës, Yuri Kim ka reaguar menjëherë pas deklaratës që bëri kandidati për deputet i Partisë Demokratike në qarkun e Dibrës, Xhelal Mziu. Gjatë një tubimi në Dibër, Mziu u tha simpatizantëve demokratë: “Nga sot dhe në vazhdim, çdo person i dyshimtë që lëviz në lagjet tuaja, mjafton një telefonatë dhe do ta pësojë njëlloj si ai i Elbasanit”. Mziu më vonë kërkoi ndjesë publike për deklaratën e dhënë duke theksuar se ishte si rezultat i emocioneve të forta të momentit. Diplomatja amerikane Yuri Kim e përgëzoi për ndjesën teksa u shpreh se një Elbasan i dytë nuk mund të justifikuar dhe nuk duhet të përsëritet. “Më vjen mirë që pashë një kërkesë faljeje të pastër nga Dibra. Dhuna e shkaktuar në Elbasan këtë javë nuk mund të justifikohet, nuk duhet të përsëritet. Ditët e grupeve të armatosura që mbajnë stemën e çdo partie politike dhe “patrullojnë” rrugët i përkasin të shkuarës – një e shkuar e shëmtuar të cilën të gjithë ne duhet ta refuzojmë”, shkruan ambasadorja amerikane në Twitter.