Kryeministrit polak Mateusz Moraviecki ka ngjallur shumë shqetësim në Bruksel pas deklaratave se Bashkimi Europian rrezikon të ndezë “fillimin e Luftës së Tretë Botërore”. Në një intervistë për ‘Financial Times’, kryeministri polak akuzoi Komisionin Evropian se i ka vënë qeverisë së tij “pistoletën në kokë” , duke mos i dhënë fondet e rimëkëmbjes nga pandemia, nëse nuk ndalon reformat që minojnë sundimin e ligjit. Ai kërkoi që Komisioni të tërhiqte kërkesën për gjobat ditore të paguara nga Varshava për moszbatimin e vendimit të korrikut të Gjykatës së Drejtësisë për pavlefshmërinë e Dhomës Disiplinore të Gjykatës së Lartë Polake. “Ne do t’i marrim këto para herët a vonë,” tha ai, duke paralajmëruar se “sa më vonë t’i marrim, aq më e fortë do të jetë prova se ekziston një trajtim i tillë diskriminues dhe një qasje diktatoriale nga Komisioni Evropian”.