Partitë opozitare kanë votuar kundër ndryshimit të rendit të ditës në seancën parlamentare të kësaj të premteje në Kosovë. Lëvizja Vetëvendosje çoi për votim në Kuvend tetë projektligje, në mesin e tyre projektligjin për masat e përkohshme të produkteve themelore në raste të veçanta të destabilizimit të tregut, atë për sigurimet e detyrueshme shëndetësore, atë për shtetësinë dhe disa projektligje të tjera, vetëm një javë pasi u miratuan në qeveri. Futja e tyre në rend të ditës, dështoi pasi nuk pati vota të mjaftueshme. Por shqyrtimi i këtyre projektligjeve në këtë formë, sipas shefit të deputetëve të PDK-së, Arian Tahiri, është vetëm një tendencë e qeverisë për të ndërtuar agjendë të fushatës zgjedhore në rast të moszgjedhjes së presidentit.