Një testim i kryer javën e kaluar ishte një hap i madh për të ecur përpara me vendosjen e parë operacionale të një rakete hipersonike, tha një zyrtar i mbrojtjes i Shteteve të Bashkuara të amerikës. Pentagoni konfirmoi më herët se një raketë hipersonike All Up Round (AUR), e cila mund të fluturojë me shpejtësi 17 Mach, 17 herë më e madhe se shpejtësia e zërit, u lëshua nga ushtria amerikane në Cape Canaveral, në Florida. Një armë hipersonike mund të udhëtojë me shpejtësi 5 Mach ose më shumë dhe të manovrojë brenda atmosferës. Kjo lloj arme super e shpejtë shihet si një "ndryshues i rregullave të lojës", pasi mund të shmangë pjesën më të madhe të mbrojtjes ajrore dhe raketore. Si Rusia, ashtu edhe Kina, që po angazhohen në një konkurrencë strategjike me SHBA-në, kanë vënë në përdorim armët e tyre hipersonike. Një raketë e re balistike hipersonike ruse e njohur si Oreshnik debutoi në luftë muajin e kaluar, kur u lëshua mbi Ukrainë.