Drejtori ekzekutiv i Tesla-s, Elon Musk ka bërë një testim në Twitter teksa ka dhënë detaje të reja për Cybertruck. Musk shkroi se kamionçina është rezistente ndaj ujit. Kjo nuk është hera e parë që Musk e përshkruan këtë automjet. Gjithashtu në prill të vitit 2020 Musk tha se Model S mund të shndërrohej në barkë për një kohë të caktuar por kompania nuk ia sugjeronte askujt që ta provonte. Musk tani bënë të ditur se Cybertruck mund të jetë e aftë që të kalojë lumenj, liqene dhe dete. Musk shprehu gjithashtu se Cybertruck ka nevojë për aftësi të tjera në mënyrë që të kaloj kanalin për ishullin South Padre në Teksas. Prodhimi pritet që të nisë në fillim të vitit 2023.