Prodhuesi kryesor i llampave ne Japoni, Ushio Inc. thote se ka shpikur një llampë me rreze ultravjolet e cila mund të vrasë koronavirusin pa dëmtuar shëndetin e njeriut. Sipas Japantimes, llampa UV Care 222, që është e para e këtij lloji në botë, u krijua në bashkëpunim me Universitetin e Columbias. Ajo pritet të përdoret për dezinfektim në hapësira me shumë lëvizje, ku rreziku I infektimit është I lartë si në autobusë, trena, ashensorë dhe në zyra. E përditeshmja thotë gjithashtu se llampat UV janë përdorur gjerësisht si një mjet efektiv sterilizimi, sidomos në industrinë mjekësore dhe atë të përpunimit të ushqimit. Por rreze të tilla, në formën e zakonshme nuk mund të përdoren gjerësisht në ambjente me njerëz pasi shkaktojnë kancer të lëkurës dhe probleme me sytë. Llampa e re e Ushio, megjithatë, lëshon rrezet UV me një gjatësi vale 222 nanometra, në krahasim me gjatësinë e valës konvencionale 254-nanometër, duke i bërë ato vdekjeprurëse për mikrobet, por të padëmshme për njerëzit.