Në harkun kohor të 24 orëve të fundit në Shqipëri janë shënuar 2 humbje jete dhe 74 raste të reja me koronavirus. Duke bërë të ditur shifrat, Ministria lëshon apelin për të pasur kujdes të shtuar, pasi shifrat po rriten në mënyrë të frikshme dhe thuajse çdo ditë po shënohen humbje jete, duke e cuar në 81 numrin e përgjithshëm që nga dita e parë e pandemisë së covid 19. Në 24 orët e fundit 2 qytetarë nuk e kanë fituar dot betejën me Covid19. Një qytetare 45-vjeçare nga Berati dhe një 82 vjeçar nga Kruja, me disa sëmundje bashkëshoqëruese, megjithë përpjekjet e mjekëve, nuk kanë mundur të mbijetojnë.