Shifrat ditore të rasteve të reja me coronavirus shënuan një tjetër rekord, duke treguar se pandemia vijon të jetë në një kurbë ngritjeje; 602 të infektuar të rinj raportoi ministria e Shëndetësisë këtë të hënë, rezultat i 2241 testimeve ditore. Sipas të dhenave, 249 raste të reja janë në Tiranë, 47 raste në Gjirokastër, 38 raste në Lushnje, nga 30 raste në Fier, Korçë, Kavajë, 27 raste në Vlorë, 24 raste në Berat, 20 raste në Elbasan dhe Librazhd, 18 raste në Kukës, 16 raste në Përmet, 12 raste në Lezhë, 7 raste në Pukë dhe Kuçovë, dhe nga 6 raste në Devoll, Mat, Dibër dhe më pak raste ne zonë të tjera të vendit. Në total numri i personave të infektuar në vend që nga fillimi i pandemisë ka shkuar në 28 432. Ajo që binte në sy në shifrat e kësaj fillim jave ishte numri i lartë i të shëruarve, janë plot 564 qytetarë që konsideron të shëruar tashmë nga covid 19, pas përmbyllljes së karantinës dy javore, pasi siç dihet ritestimi i personave që dalin një herë pozitiv është hequr. Në total numri i të shëruarve ka shkuar në 13.453 që nga fillimi i epidemisë, ndërsa raste aktive janë 14 348. Ndërkaq rekord ka shënuar edhe numri i pacientëve me koronavirus që po trajtohen ne tre spitalet covid, janë 406 të shtruar , 14 në terapi intensive, nga të cilët 3 të intubuar. Ministria e shëndetësisë ka raportuar se kanë humbur jetën 8 qytetarë me Sars-Cov2 , 4 prej të cileve janë nga Tirana, ndërsa 4 viktimat e tjera janë 1 nga Mirdita, Kurbini, Gramshi dhe Durrësi. Numri total i jetëve të humbra që nga marsi ka shkuar në 631. Ministria e Shëndetësisë u ka bërë sërish apel qytetarëve të respektojnë rregullat për parandalimin e SARS COV2, të mbajnë maskën në çdo ambient jashtë shtëpisë, të respektojnë distancimin fizik duke shmangur grumbullimet dhe të kudjesen për higjenën vetjake. Po ashtu autoriteter u kanë kërkuar personave që janë të konfirmuar ose në pritje të përgjigjes së testit, të qëndrojne të izoluar, duke respektuar detyrimin e vetekarantinimit.