Një aksion i gjerë u zhvillua në Tiranë gjatë të hënës, ku u goditën tre call-center, që dyshohet se kryenin aktivitete të paligjshme, duke mashtruar qytetarë evropianë, me qëllim zhvatjen e shumave të mëdha të parave. Operacioni u zhvillua nga Prokuroria e Tiranës, në bashkëpunim me krimet kibernetike dhe krimin ekonomiko-financiar. Aksioni është drejtuar nga prokurorja Rovena Zoto, në koordinim me autoritetet gjermane dhe austriake. Nga aksioni në terren, hetuesit kanë zbuluar dhe goditur në rrugën e Kavajës dy kate të një pallati, u ushtrohej aktiviteti i paligjshëm i “call centerave”. Po ashtu, një tjetër “call center” u zbulua pranë Kopshtit Zoologjik në Tiranë. Call Centerat raportohet se kishim me dhjetëra operatorë të punësuar, që kryenin aktivitetin e paligjshëm të mashtrimit.