Gjatë një interviste për gazetaren Anila Hoxha, Robert Gajda Komisioner për Mbrojtjen nga Diskriminimi ka treguar se për çfarë ankohen të huajt dhe shtetasit shqiptarë. Shqiptarët ankohen për largim nga puna edhe për shkak të bindjeve politike, ndërsa të huaj që punojnë këtu për mbajtje me forcë të dokumenteve. Por aktualisht institucionet po trajtojnë ankesën e një ruseje që thotë se u diskriminua për shkak të luftës. Në sallën e Komisionerit për mbrojtjen nga diskriminimi do të mbahet seanca dëgjimore, midis dy shtetaseve, njëra nga Ukraina dhe tjetra nga Rusia, të cilat kanë hyrë në konflikt për shkak të luftës në vendet e tyre. Intervista e plotë Robert Gajda: Fabula është e tillë. Egziston një parukeri në Tiranë tek e cila shërbejnë kryesisht shtetas ukrainas dhe administratorja është ukrainase. Në momentin që është kontaktuar nga shtetasja ruse për të bërë thonjtë, ajo është pyetur “ nga Jeni “ dhe në momentin që është marrë vesh që shtetasja është ruse me shumë mirësjellje i është thënë që nuk mund ta ofrojnë për shkak të lutës. Këtu rusja është ankuar dhe aktualisht është një rast që ka krijuar edhe institucion, dy kampe, por është duke u trajtuar. Nuk mund t’iu them më tepër Anila Hoxha: Ju theksoni në raportin vjetor se shumë qytetarë janë ankuar për motive politike, për çfarë bëhet fjalë? Robert Gajda: U bë viti i pestë apo i gjashtë që na rezulton se heqjet nga puna për bindjet politike vijnë tek ne dhe ankohen . Më parë kishim vërejtur ankesa për largime nga pushtetet qendror. Tani e shohim tek vendori. Dhe bëhet fjalë për njerëz që hiqen nga partitë opozitare, por nuk mbeten imune edhe ata që kanë kryetarë të pushtetit vendor nga opozita dhe kanë larguar nga puna të pozitës. Anila Hoxha: Ata që largohet janë më së shumti të opozitës apo mazhorancës? Robert Gajda: Në pjesën më të madhe titullarët janë të pozitës dhe ata që ankohen janë të forcave të opozitës Anila Hoxha: Të huajt trokasin gjithashtu në institucionin tuaj dhe pretendojnë diskriminim. Për çfarë shkeljesh flitet? Robert Gajda: Akuza për shembull të mbajtjes me forcë, të mbajtjes me forcë të dokumenteve, mos pagim rroge dhe gjuhë urrejtjeje. Ne nuk mund ti ndjekim të tëra, ato që janë penale i kemi adresuar menjëherë në prokurorinë dhe policitë e Durrësit dhe ë Vlorës konkretisht që ti verifikojnë se pretendimet janë shumë të rënda në këto raste.