Infektimet nga koronavirusi ne vendin tone vazhdojne te kene trend rrites, ku sipas ministrisë së Shendetesisë janë konfirmuar pozitive në 24 orë 78 persona, nga 344 testime. Harta e te prekurve me covid 19 tashme është shtrirë thuajse në të gjithe vendin, dhe nga te dhenat mesohet se shkodra dhe kruja kane me shume raste te reja pozitive, sesa Tirana Numrin më të lartë të të prekurve ditorë e ka Shkodra me 14 raste, në Krujë janë identifikuar 13 të prekur, Tirana ka 12 raste, 9 janë identifikuar në Pukë, 6 në Delvinë, nga 4 raste në Gjirokastër, Vlorë, Kukës, nga 2 raste në Kamëz, Durrës, Fier, dhe nga 1 rast përkatësisht në Kurbin, Korçë, Kavajë, Lushnje, Mirditë, Pogradec. Ndërkohë që në spitalin infektiv aktualisht po trajtohen 76 pacientë, 14 prej tyre janë në terapi intensive, ndërsa 2 janë të intubuar. Lajmi i mirë është se në 24 orët e fundit janë shëruar 33 qytetarë, duke e çuar në 1250 numrin e të shëruarve që nga fillimi i epidemisë. Në vendin tonë janë aktualisht 894 persona aktivë me COVID19, kryesisht në Tiranë, Shkodër, Durrës.