Shqipëria prej ditësh ka një rritje të frikshme të rasteve me covid 19, si dhe një bilanc tragjik të viktimave. Në harkun e 24 orëve të fundit janë kryer 1927 testime nga të cilët kanë rezultuar pozitivë 495 qytetarë, më së shumti në Tiranë e më pas në Fier, Elbasan dhe Mirditë. Gjithashtu në këtë hark kohor janë shëruar 141 qytetarë, duke e çuar numrin e të shëruarve 12,002 që nga fillimi i epidemisë. Aktualisht në 3 spitalet COVID po trajtohen 352 pacientë, 9 në terapi intensive nga të cilët 4 pacientë janë të intubuar. Me gjithë përpjekjet e mjekëve kanë humbur jetën 8 qytetarë me Sars-Cov2 pozitiv në spitalet COVID: Dy viktima nga Durrësi, një nga Gramshi, një tjetër nga Kruja si dhe një nga Elbasani, Gjirokastra, Lushnja dhe Berati. Për të gjitha rastet, autoritetet shëndetësore thonë se kanë pasur sëmundje bashkëshoqëruese.