Komisioni i BE-së synon të rrisë ndjeshëm tatimin mbi duhanin cka do të cojë në cmime shumë të larta në treg. Industria e duhanit paralajmëron ndërkohë se plani do të conte në rritjen e çmimit të një pakete cigaresh në Gjermani nga rreth 8.50 Euro që është tani, në më shumë se 12 Euro. Një qese 30 gramëshe me duhan të grirë për cigare me dredhje do të kushtonte më shumë se 18 Euro në të ardhmen, nga 10 Euro që është tani. Paralajmërimi vjen pas një propozimi të brukselit për të rritur normën minimale të taksës për cigaret në 215 Euro për 1.000 cigare. Aktualisht, norma është 90 Euro për 1 mijë cigare. BE nuk i specifikon çmimet, por kompanitë e duhanit lejohen të rrisin çmimet nëse do t'u duhet të paguajnë taksa më të larta. Propozimi i Komisionit përfshin edhe një premium të fuqisë blerëse, i cili do të rriste më tej shitjen e cigareve në vende relativisht të pasura si Gjermania. Kritikët thonë se kjo lëvizje është joproporcionale dhe do të nxiste tregtinë e paligjshme. Me fjalë të tjera, sipas tyre, kjo do të ishte një paketë stimulimi ekonomik për tregun e zi.