Rritja e çmimeve ka rritur arkëtimet e bizneseve. Të dhënat e Ministrisë së Financave tregojnë se për dy muajt e parë të këtij viti, bizneset paguan gati 8.3 milionë euro më shumë tatim mbi fitimin në krahasim me të njëjtën periudhë të vitit të kaluar. Sipas të dhënave, në dy muajt e parë të vitit të kaluar, të ardhurat nga tatim fitimi ishin gati 35 milionë euro, ndërsa në dy muajt e parë të këtij viti, këto të ardhura janë 43.3 milionë euro, ose 8.3 mln euro më shumë.