Shaban Murseli, babai i Naim Murselit, rrëfeu për median në Kosovë se ka takuar të birin në burg, ku po mbahet me akuzën se planifikoi dhe pagoi për vrasjen e bashkëshortes së tij, Liridona Ademajt. Ai rrëfeu bisedën me të birin në qeli, teksa zbuloi se naimi këmbëngul që nuk ka pasur dijeni për vrasjen e të shoqes dhe as nuk ka paguar për të. ‘E kam takuar Naimin. Sipas fjalëve të tij, as nuk ka paguar 30 mijë euro, as nuk ka blerë armë dhe as nuk e ka ditë për vrasjen atë natë”, ka thënë Shaban Murseli. Naim Mursei mbahet në burg bashkë me tre persona të tjerë, për vrasjen e bashkëshortes së tij, Liridona Mursei Ademaj. Ngjarja ndodhi në fund të nëntorit në Prishtinë, teksa fillimisht Naim Murseli fshehu ngjarjen pas një tentative grabitjeje, por pas hetimeve të thelluara, policia siguroi prova që ai ishte i përfshirë në planifikimin e vrasjes së saj. Bashkë me Naim Mursein, në burg po mbahet edhe Granit Plava, i cili besohet se është njeriu që shkrepi armën mbi 30-vjeçaren, si dhe dy persona të tjerë, që kanë ndihmuar në zbatimin e planit të ekzekutimit të Liridona Ademajt.