Vit i ri, term i ri për koronavirusin. Shumë njerëz në botë e kanë nisur 2022 duke kërkuar më shumë informacione për fluronën, pasi izraeli raportoi se dy gra të reja, shtatzëna, kishin rezultuar pozitive si për koronavirusin ashtu edhe për gripin. Mjekët kanë qenë prej kohësh të shqetësuar për potencialin e pasojave të një epidemie të dyfishtë, me rastet e gripit që rriten ndërsa covid 19 kërcënon të tejmbushë spitalet dhe i kanë kërkuar njerëzve të marrin vaksinat e gripit dhe ato të koronavirusit. Në anën tjetër, flurona i referohet rastit kur një person ka të dyja infeksionet respiratore në të njëjtën kohë, që zyrtarët e shëndetësisë thonë se është një mundësi pasi rastet e variantit shumë infektues omicron të koronavirusit kanë shpërthyer këtë dimër në të gjithë botën. Pas rastit të dy grave shtatzëna në Izrael, shumë njerëz dhe media, folën për fluronën. The Sun, një tabloid britanik, menjëherë e quajti infektimin e dyfishtë, telash i dyfishtë. Ndërsa fjala është relativisht e re, rastet e gripit dhe covid 19, në të njëjtën kohë, nuk janë të tilla. Dhe flurona nuk është një sëmundje e ndryshme, por i referohet rastit kur një person është infektuar me të dyja viruset. Flurona është raportuar edhe në shumë vende të tjera si SHBA, Izraeli, Brazili, Filipinet, hungaria etj, madje edhe përpara se termi të shfaqej.