Molla e sherrit mes opozitës dhe mazhorancës në seancën plenare të kësaj të enjte, u bë Parku Kombëtar i Butintit. Në një interpelancë të kërkuar nga deputetja Ina Zhupa, ministrja Elva Margariti dha detajet e marrëveshjes me fondacionin e huaj. Ky fondacion do të monitorohet nga Ministria e Kulturës si përfaqësues i palës shtet për të kontrolluar të gjithë aktivitetin e fondacioni, ashtu siç do të auditohet në një nga big4. Marrëveshja e administrimit nuk parashikon asnjë tjetërsim apo kalim prone. Por, përgjigjia shteruese e Margaritit nuk mundi të qetësojë deputetët skeptikë të opozitës, të cilët e shohin marrëveshjen, që tashmë është miratuar, një marrëveshje koncesionare. Keni zgjedhur dhe moton e Vegasit. Çfarë ndodh në Butrint, mbetet në Butrint dhe nuk dihet se çfarë ndodh. Ti ke qenë personi që ke mbrojtur heqjen si zonë e mbrojtur të parkut të Butrintit. Mungesa totale e transparencës e ka shoqëruar këtë koncesion që nga dita e parë e deri më sot. Asgjë nuk është bërë në zbatim të ligjit.