Numri i turistëve britanikë që kalojnë pushimet në Shqipëri është rritur, thotë media britanike, “The Times” e cila i referohet kompanisë analitike të fluturimit “Cirium”. Sipas kësaj të fundit gjatë muajit të kaluar janë realizuar 207 fluturime drejt Rinasit të cilat kanë sjellë 39,600 pasagjerë kundrejt 76 fluturimeve, me 14,000 pasagjerë të vitit 2019. Media britanike thekson se “Shqipëria po flak tej famën e saj të keqe nga krimi i organizuar dhe po konkurron me Greqinë dhe Kroacinë tani që turizmi po ringjallet pas pandemisë”. E duket se për këtë një meritë e kanë edhe rrjetet sociale, ndër të cilat Tik Tok, të cilat po promovojnë fort bukuritë natyrore dhe historike të vendit tone dhe po orientojnë agjencitë për paketat turistike. Një video e plazhit të Ksamilit me ujërat e kristalta ka arritur deri në 60 milionë shikime.