Britanikët përballen me një valë të dytë të nxehti në gusht që pritet të zgjasë të paktën dy javë, pas fundit të valës aktuale që do të kurorëzohet këtë fundjavë me stuhi vere. Kjo vjen pasi britania e madhe përjetoi ditën më të nxehtë të vitit me temperaturën që arriti në 32 gradë celcius. I nxehti ekstrem bëri që asfalti i rrugëve të ‘shkrihej’ si cokollatë dhe linjat hekurudhore të përvëlohen. Moti ekstrem bëri që zyra kombëtare meteorologjike të lëshojë një paralajmërim në anglinë qendrore dhe jugore, në uells dhe irlandën e veriut, deri të premten, kur mërkuri në termometër do të arrijë 33 gradë celcius. Por kjo tendencë njohu një kthesë në anglinë lindore, me shira të rrëmbyeshëm dhe breshër si edhe me rrugë të përmbytura ndërsa stuhi të shpejta përfshinë zonën. Imazhet e postuara në mediat sociale tregonin breshërin me përmasa sa një top golfi në leicester ndërkohë që në ditët në vijim ka rrezik për stuhi të rrëmbyeshme në lindje. Britanikët ndërkohë janë paralajmëruar të dalin pas orës 8 të mbrëmjes për të evituar të nxehtin. Pamjet: AFP