Qeveria britanike do të kërkojë që 2.85 miliardë euro nga paratë e oligarkut rus të lidhur me Putin, Roman Abramovich t’i jepen Ukrainës si mbështetje financiare për luftën ndaj Rusisë. Ideja u bë publike nga Kryeministri Keir Starmer, që tha se do t’i ofrojë Abramovich ose të kalojë te fondi për mbështetjen e Ukrainës 2.85 miliardë eurot e përfituara nga shitja e skuadrës së Chelsea-t, ose të përballet me padi gjyqësore. Paratë janë të ngrira që prej vitit 2022, kur Rusia nisi ofensivën e saj ushtarake ndaj Ukrainës. Miliarderi rus e shiti Chelsean në atë kohë pas presionit të qeverisë britanike. Shitja u lejua me kusht që paratë të shpenzoheshin për të mbështetur viktimat e luftës në Ukrainë. Që atëherë, paratë janë ngrirë për shkak të bllokimit në negociatat me Abramoviçin nëse paratë duhet të shpenzohen ekskluzivisht në Ukrainë apo nëse mund të shkojnë edhe në vende të tjera. Abramovich bleu Chelsea-n në vitin 2003. Përgjatë dy dekadave ai investoi miliona euro për ta ngritura skuadrën londineze, ndërsa një hetim i autoriteteve britanike, nisur pas 2014-s zbuloi lidhjet e tij me Vladimir Putin.