Britanisë së madhe i kanë mbetur vetëm pak armë për ti dhënë ukrainës pasi forcat e armatosura të saj janë të pak-financuara – paralajmëron një ekspert i mbrojtjes. Analisti Houard Uilldon, e dha vlerësimin shqetësues ndërsa kryeministri Rishi Sunak premtoi se do të qëndrojë në krah të vendit që po lufton pushtimin rus për vite të tëra nëse do të jetë e nevojshme. Britania e madhe ka dërguar në ukrainë armën më të fuqishme jo bërthamore të saj, Storm Shadou, që mund të godasë shënjestra nga një rreze prej 250 kilometrash. Por sasia e Storm Shadous që i është dhënë zelenskit nuk është bërë e ditur. Ndërkohë që pjesa më e madhe e stoqeve të britanisë duhet mbajtur në vend, në rast të shpërthimit të një konflikti të mundshëm që do të përfshirë në mënyrë direkte ushtrinë britanike. Ndërkohë, britania nuk mund të përballojë dërgimin e avionëve luftarakë pasi flota e saj ekzistuese, sipas analistit, është shumë e vogël për të mbrojtur brigjet e saj. Në një intervistë për Daily Mail, Uilldon thotë se tani, britanisë së madhe i ka mbetur pak për të dhënë. Duke folur në një konferencë për mbrojtjen në Londër, një ditë më parë, kryeministri britanik insistoi se vendi ishte i angazhuar dhe i vendosur për ta mbështetur Ukrainën në plan afatgjatë. Ai po ashtu paralajmëroi vladimir Putinin se cdo sugjerim sipas të cilit Britania e madhe dhe aleatët e tjerë do të mërziteshin apo lodheshin nga konflikti, ishte i gabuar.