Shtetet e Bashkuara të Amerikës reaguan pas sulmeve ndaj programeve bërthamore iraniane, duke publikuar edhe voto të shkëputura nga tryeza ku u organizuan sulmet. Në tryezën brenda dhomës së situatave të emergjencës, ku po zhvillohej operacioni i koduar ‘Çekani I mesnatës’, shfaqet Presidenti Donald Trump dhe grupi i tij i këshilltarëve. Por ajo që ra në sy ishte një shenjë e bërë nga Kryetarit I shefave të Shtabit të Përbashkët të Ushtrisë Amerikane, Gjenerali Dan Caine, i cili bën shenjën e brirëve të djallit teksa sheh mbi tryezë. Shenja përdoret gjerësisht sot në muzikën rrok, por e ka origjinën si simbol i mbrojtjes nga e keqja, kryesisht e përdorur në Itali por edhe vende të tjera mesdhetare. Në fotot e tjera shfaqen Sekretari i Mbrojtjes, Pete Hegseth, ai i Shtetit, Marco Rubio, dhe zyrtarë të tjerë. Gjatë këtij sulmi ku u përdorën bombardues, raketa, e avionët më të përparuar, SHBA goditi tre objekte bërthamore iraniane. Sulmi I SHBA ndaj Iranit, përbën një përshkallëzim të madh të konfliktit, teksa Irani ka paralajmëruar hakmarrje të fortë në Lindjen e Mesme, ku në shënjestër sipas tyre do të jenë të gjitha bazat amerikane.