Një breshëri plumbash ka tronditur Greqinë mbrëmjen e së shtunës. Skema kriminale ka hapur pistat e dyshimit për policinë greke, për një ekzekutimi të ndodhur nga vrasës profesionistë me pagesë. Burimet bëjnë me dije se ngjarja e rëndë ka ndodhur rreth orës 23 e 30, mbrëmjen e 15 majit. Dy persona të paidentifikueshëm, me skafandra në kokë kanë qenë duke qarkulluar me motor. Në po të njëjtën zonë ndodhej edhe një 58 vjeçar, ish boksier veteran. Dy motoristët kanë hapur menjëherë zjarr kundrejt 58 vjeçarit. Ekspertiza mjekësore ka konkluduar në tre plumba në gjoks dhe një në qafën e viktimës, i cili humbi jetën menjëherë pas marrjes së plumbave. Menjëherë në vendngjarje kanë mbërritur forca të shumta policie, oficerë nga ekipi DIAS si dhe një skuadër e specializuar për vrasje të cilët po punojnë për zbardhjen e plotë të rrethanave të cilat i morën jetën ish boksioerit të AEK-ut. Mediat greke raportojnë se kanë filluar gjurmimet e para të autorëve të vrasjes, dëshmia e të cilëve do të mund të hedhë dritë mbi shkaqet e atentatit.