Avionët luftarakë të Polonisë dhe aleatëve u ngritën në misione patrullimi gjatë sulmeve raketore ruse mbi Ukrainë gjatë natës mes të premtes dhe të shtunës. Komanda Operative e Forcave të Armatosura të Polonisë paralajmëroi se në misione ishin përfshirë avionë polakë dhe ata të aleatëve, të cilët mund të shkaktojnë zhurmë, veçanërisht në pjesën juglindore të vendit. Komanda theksoi se "të gjitha protokollet e nevojshme për të garantuar sigurinë e hapësirës ajrore polake janë aktivizuar". Sic raportuan më herët mediat, Rusia përdori gjashtë bombardues Tu-95MS për të lëshuar raketa në Ukrainë në orët e para të së shtunës, 1 qershor. Polonia dhe aleatët, ngritën avionët e tyre mes asaj që Varshava tha se ishte aktiviteti intensiv i aviacionit me rreze të gjatëm të Rusisë. “Aktiviteti intensiv i aviacionit me rreze të gjatë të Federata Ruse po vëzhgohet", tha Komanda Operacionale e Forcave të Armatosura të republikës në një postim në platformën X në orën 4:17 të mëngjesit. Tre orë më vonë, Komanda raportoi kthimin e avionëve në bazat e tyre. Për herë të fundit, Forcat Ajrore polake ngritën avionët e tyre luftarakë më 26 maj, si përgjigje ndaj një situate të ngjashme.