Administrata tatimor ka sqaruar mënyrën e lëshimit të faturave për blerjet nga prodhuesit bujqësor dhe ata blegtoralë. Me qëllim formalizimin e sektorit të tregtimit të produkteve bujqësore dhe blegtorale, Administrata Tatimore ka njoftuar, mallrat e blera nga prodhuesit bujqësorë e blegtoralë duhet të shoqërohen me faturë të fiskalizuar. të gjithë tatimpaguesit duhet të ndjekin disa hapa: ata duhet të zgjedhin opsionin “autofaturë”, i cili përmban automatikisht të dhënat e blerësit që po lëshon faturën. ndërkohë lloji I faturës dihet të jetë “Blerje nga fermerët vendas”. pasi të vendosen të dhënat e fermerit shitës emri I tij dhe NIPT-i, duhet përshkruar malli I blerë pa llogaritur TVSH-në. “Për të vërtetuar saktësinë e transaksionit dhe origjinën e mallrave të shitur, rekomandohet që fatura të jetë e nënshkruar nga shitësi (fermeri)”. thueht në njoftim. Kategoria e fermerëve të regjistruar në Drejtoritë Rajonale Tatimore nuk ka detyrim të mbajë kontabilitet, të deklarojë dhe dorëzojë në Administratën Tatimore Formularin e Deklarimit dhe Pagesës së Tatimit mbi të Ardhurat Personale nga Biznesi apo Deklaratën Vjetore të të Ardhurave Personale për të ardhurat e realizuara nga aktiviteti i fermerit. Nese qarkullimi vjetor tejkalon kufirin prej 10 000 000 leke, prodhuesit bujqësorë dhe blegtoralë duhet të ç’regjistrohen nga organi tatimor dhe të regjistrohen si tatimpagues pranë Qëndrës Kombëtare të Biznesit, duke marrë numër identifikimi të ri